爆谷

等了又等買了 Airfryer 一直都想做爆谷，爆谷豆其實一直
在廚櫃裡，但是一直都任由它睡著。幸好還未過食用期，
來來來爆一爆，又平又多。

還記得讀書當職的時候，店子中後期送來一部爆谷機，說
實爆谷機大多在劇院裡、遊樂場或嘉年華會才會見到，在
遊客區見到好像有點怪，剛爆出來時特別受客人歡迎！

材料：
爆谷豆 (大型超市或部份烘焙店有售)
糖 適量



Airfryer 200 度預熱 3 分鐘，放入
爆谷豆小許，幾分鐘聽不到有爆谷
炸開的拍拍聲就完成，拉出藍子後
檢查一下焗入面頂部發熱線位置會
否有爆谷夾在隙之間。



一點點的爆谷豆可以爆出這麼多的
爆谷！



合共爆了兩次已經一大碟~~
白鑊將糖煮溶成焦糖，喜歡可加一
點牛油，放入已爆好的爆谷慢慢撈
讓所有爆谷粘上焦糖！

取出後馬上將爆谷弄散！

無咩沙薑味既沙薑雞亦

樣子好靚, 看上去好似味道好好呢?? 那就錯了正所謂眼見未
為真, 雖然顏色好似好手靚, 但係一點都無沙薑味, 未能做到
我所賞, 醃肉的時候放了一點沙薑粉醃, 但係入爐前應該多灑
一點沙薑粉, 可能或者會有沙薑味, 好有幻想空間, 下次再試
下~~~

今次用小小鹽醃了再加豉油糖及沙薑粉醃, 180 度 15 分鐘

酥皮腸仔卷

買了現成酥皮昨晚用了半塊, 今早試做個重量級早餐, 將
1/4 酥皮用酥皮卷起腸仔, 上面的是卷起, 下面的是用叉子將
三面壓實. 兩個做法都沒有爆開.
Airfryer 預熱 180 度焗了 18 分鐘左右即成.

煙肉廣島蠔@ 免油氣炸鍋

早前見朋友用光波爐做了這道菜真

係好吸引睇見都想食，馬上備料不

過太忙未有時間去做。

等等等終於比我等到，星期六去時

間多可以慢慢攪，看似簡單但是不

能急。做食品要用心去做，慢慢做

才可以做得好。

材料：

廣島蠔六隻

煙肉三條

港島蠔出水， 燒熱一鍋水放入港島蠔

待水滾後見蠔脹卜卜待 30 秒熄火泡在

水一會再取出泡在凍水裡，待蠔轉涼

格去水份及用廚房紙印乾備用。

煙肉一開二成長幼長條型，用煙肉卷起
蠔收口向下(朋友用牙籤收口我沒有)

Airfryer 180 度 8 分鐘即成。

Rosemary 雞亦@ 免油氣炸鍋

今晚做雞亦來來去去都係咁醃, 今次沒有預先醃制, 所以用
個快速方法去做, 先用鹽醃不停手"拿"雞亦約一至二分鐘加快
入味再加入 Rosemary 及小許橄欖油醃 15 分鐘, 記得 Rosemary
一定要有油份才會釋出香氣來.

Airfryer 180 度 15 分鐘即成

菠蘿咕嚕肉@ 免油氣炸鍋

昨日見 Facebook 朋友仔做這一道菜, 不見由自可見到口水流,
想一想家裡有材料, 星期六做了 pizza 還有菠蘿在冰箱裡, 順
道可以消耗一下。

之前有用 Airfryer 做炸排骨效果好好, 今次做法上改變一下,
粘上蛋後再粘麵粉, 出來比較正宗, 以前偷懶省略了糖上蛋
漿或醃肉時加入雞蛋, 出來效果是不一樣。

材料 :

梅頭肉帶一點肥 (可用排骨) 切大粒

油 適量

鹽 適量

三色椒 (每款 1/3 個) 切件

獻汁 : 水 2/5 碗, 茄汁 1-2 匙, 醋小許, 糖 2-3大匙, 生粉一小匙

梅頭肉洗乾淨, 切大粒由於時間關係即醃即做所以用鹽及油醃,
加入鹽後用手不停拿勻約一分鐘再醃 15 分鐘.

三色椒切件 size 跟肉粒差不多備用.

獻汁混合好備用

180 度預熱 Airfryer 今次差誤放在藍上所以痴網, 直接放在兜上
會比較好, 入爐 15 分鐘.

起油鑊加小許鹽放入三色椒快炒, 再加入獻汁收至傑身試味再加
入肉粒將兜勻, 最後加入菠蘿快炒兩下即成. 菠蘿不能煮太耐否
則會變酸.

上海排骨菜飯@ 免油氣炸鍋

晚上如果只有我跟女兒兩個的話, 晚餐就會變得好簡單, 因
為我跟女兒食的不會很多, 所以都會簡單的一碟菜跟一點
點肉已經足夠. 不得不承認在職媽媽, 有些時候某程序上是
會想偷一下懶, 我亦都喜歡個人大碟, 一人一碟分好分量 。

今日來個菜飯, 不過是不正宗的菜飯, 因為不是用大白菜, 家
裡只有小棠菜只好用它吧.

材料 :

排骨適量

醃料 : 豉油,糖,小許油, 小茴香粉 (可以用玉桂粉/五香粉)

麵粉適量

小棠菜 (正常用大白菜)

薑片 二片

做法 :

排骨用醃料醃半小時以上, 預熱 Airfryer 180 度 15分鐘, 排骨
放入 Airfryer 之前粘上麵粉.

菜飯 :
將菜洗乾淨切碎, 起油鑊爆香薑片加鹽小許再加入菜炒至
軟身取出薑片不要, 將菜取出備用.
洗好米水份比平時小一點點, 因為菜還會帶一點水份, 飯煮
至差不多熟的時間加入菜拌勻蓋好, 再等飯煲完成煮飯程
序後再焗多 10 分鐘即可.

五香炸雞下脾@ 免油氣炸鍋

前日見到網友食炸雞脾看到我口水直流, 放工馬上飛奔去超
市買雞脾, 無雞脾只有雞下脾買下回家解凍後再處理. 本想
做最簡單我炸脾, 到入爐時又心諗一動加小小五香粉再醃一
醃, 估唔到炸完樣子有點驚喜, 好像是用老抽醃過再炸.

進食時入面還有肉汁流出~~~ 下次還是試一下好似街在賣的
炸雞脾只用鹽醃看看效果如何~~~

材料 :

雞下睥 3 隻

醃料 A : 粗鹽,紹酒 (喜歡的話可以加薑汁)

醃料 B : 五香粉,糖

雞下睥解凍後洗乾抹乾水份, 用醃料 A 粗鹽(不要太多否則會
太咸)擦勻雞下睥表面後, 再加小許紹酒醃過夜, 入焗前 15 分
鐘灑上醃料 B 五香粉及糖撈勻, 180 度預熱 3 分鐘放入雞下睥
約 18 分鐘, 到最尾 4-5 分鐘可以反一反雞下睥. 

脆皮咸豬手@ 免油氣炸鍋

見 youtube 有片教人唔用個籃, 我又試下先都得喎~~

d 皮好脆好正~~~

咸豬手都要攪到變脆皮好似做燒肉一樣要脆卜卜, 咸豬手
買回來要用水煮 50 分鐘好讓咸味出來, 煮完 d 水可以留用
煲湯. 工序不太複雜但係需要時間, 可以預早一日準備會更
好.

材料 :

咸豬手一隻

即磨黑胡椒粉適量

咸豬手放入滾水中煮 50 分鐘, 取出放涼後用豬插在表面插
滿細孔, 再放雪櫃雪幾時小時或過夜以便把表面水份提乾.

Airfryer 180 度預熱 3 分鐘, 將咸豬手放入 30 分鐘後反面再
15 分鐘查看表皮硬未? 如果表皮硬轉 200 度 10 後再查看
情況覺得夠就可以取出, 取出後放涼 10 分鐘才將咸豬手起
肉.

麻醬茄子@ 免油氣炸鍋

這道菜式真係估不到, 一出場大家不斷夾不停食, 老公已經
落 order 要做魚肉茄子. 不過茄子要加點油才入 Airfryer 比
較好, 因為一點油都沒有表面一滴油都無會好乾.

材料:

茄子二個 (肥而短身)
芝麻 適量

醬汁 : 芝麻醬, 豉油, 糖, 水 (如果芝麻醬是比較稀的話可不用加水)

茄子洗淨切條狀, 加一至二湯匙油, 不用害怕油份會隔 Airfryer
制作時將多餘的炸出來, Airfryer 180 預熱 3 分鐘, 放入茄子
7-8 分鐘即可. 上碟後加上醬汁及芝麻拌食.

燒肉@ 免油氣炸鍋

今日將上次未用完放在冰格的腩肉, 今次有充分時間去做, 插
得夠皮好鬆脆, 無得頂!!

http://catjeffcat-fryer.blogspot.hk/2012/06/airfryer.html

西多@ 免油氣炸鍋

記得以前睇阿 SO 有介紹過點做西多, 今次隨意將蛋漿混合再
讓包包索蛋汁就放入 Airfryer 炸一炸, 估不到有這樣的效果, 
有點痴網所以要用鑊摌幫手取出

材料 : 
蛋漿 : 蛋,水,淡忌簾 (原食譜為鮮奶)

方包

做法蛋漿混合好, 再將方包放入等方包吸滿水份, 預熱 airfryer
180 度, 8-10 分鐘即可~~~

燒肉@ 免油氣炸鍋

今次燒肉做得唔錯, 一定要買正方型, 千萬不可用一條長條
否則肉身會太乾不好吃. 不過街市肉檔是不會切正方型賣,
所以腩肉要買多一點大約三條骨寬度, 再叫老闆切一半成正
方型, 先做一半分量另一半放冰格. 又或者在大型超市都有
機會買到正方型, 不過朋友說不是次次都有.

今次做法除左正方型外還有溫度降底了, 出來的效果好好.
不過今次插得豬皮唔夠, 只能做到脆但不夠鬆化. 燒肉真係
要放假做會比較好, 平日做時間上對我來說有點趕.

材料:
五花腩一件正方型
大量粗鹽

醃料 : 鹽,胡椒粉, 五香粉

將五花腩洗淨抹乾水, 將醃料放在肉身上, 豬皮部份不用放
醃料, 上好醃料後放在碟上豬皮要向上, 直接放入雪櫃不過
加蓋或保鮮紙, 好讓豬皮被雪櫃抽乾, 雪一即可.

完成後取出用豬插, 在豬皮上插滿小孔, 越多越密就越好. 再
將大量粗鹽放在豬皮上壓實.

Airfryer 180 度預熱, 將腩肉放入 Airfryer 30-35 分鐘直到鹽分
離開豬皮取走鹽粉, 再焗多 15 分鐘如豬皮開始變硬可將火力
調高至 200 度 15 分鐘即可.

取出後放涼一點才切去四邊乾身了的肉, 再斬件即成

牛肉餅@ 免油氣炸鍋

本來想做個牛肉餅, 搓好後做成丸子後再壓平, 但係炸完之
後竟然變左球型, 莫非我真係咁叻可以做到小丸子, 哈哈!
唔理咁多還有材料係度, 可以真真正正做個小丸子.

係凍肉舖買左 D 幾片牛柳, 這些品質係麻麻地不過是尚品,
好普通既貨式, 所以多數用作漢堡扒.

材料:

牛柳二片
木薯粉適量
水小許

醃料 : 豉油, 糖, 雞蛋半隻

牛柳洗淨啄碎, 加入醃料醃過夜, 氣炸之前加入木薯粉小許
及水小許(喜歡的話可以加即磨黑椒粉勻後撻數次, 再將肉
團分四份約乒乓大小再壓扁. 放入已預熱的 Airfryer 180 度
10 分鐘即成.

可以加茄汁拌食更添風味!

沙甸魚@ 免油氣炸鍋

今日跟朋友講剛起 Airfryer 唔知今日食咩好，我提意魚或
者豬仔骨。剛好家有包急沙田凍沙甸魚，回家馬上解凍
試一試做！

材料：

沙甸魚二條

鹽小許

胡椒粉

沙甸魚洗淨用印鹽乾水份及胡椒粉醃一醃，預熱 200 度
10 分鐘即成。 有小小痴用鑊鏟幫手鏟起取出上碟。

豬頸肉@ 免油氣炸鍋

昨日一早想起有執豬頸肉未用, 馬上用豉油及糖醃了, 以免
變質, 今日回心一想再試用 Airfryer 試下. 成品出來跟光波爐
沒有兩樣, 一樣有肉汁又迫了不小油出黎. 感覺不會太肥膩
再配上泰式雞醬, 不是開玩笑, 第一碟被 KO 的餸就是這碟.

材料 :

豬頸肉一片

醃料 : 豉油, 糖

HP 醬

豬頸肉洗淨隔去水份, 加入豉油,糖醃一晚, 將多餘的汁倒掉,
表面搽上 HP 醬, 放入已預熱 Airfryer 180 度 15 分鐘即成.

燒肉@ 免油氣炸鍋

終於都有時間試下整燒肉, 今次選肉優質無激素的加拿大
凍肉, 其實買這個不是因為無激素的關係, 只係之前在凍
肉店買過加拿大凍肉覺得味道唔錯, 今次只有這種貨式所
以買了. 方法還是跟之前光波的做法再加上大力燒肉做法,
只是時間上好像又慳了一點點. 因為正常需要豬皮加上鹽
焗 30 分鐘, 今次約 20 多分鐘已經完成快了一點, 取走鹽以
後再焗大約十多分鐘已經可以了, 可能今次插豬皮不夠, 感
覺爆得不太好只係不夠靚, 但是皮已經係卜卜脆. 以前爆得
唔夠就再加時, 所以成品出黎肉身炸乾了一點.

材料:
五花腩一條 一開二切開

醃料 : 鹽適量, 五香粉適量

粗鹽  大量

將五花腩洗淨抹乾水份, 反軼腩肉, 將醃料搽勻腩肉, 表皮
不用醃, 將腩肉放在碟表皮向上不用包保鮮紙直接放入雪
櫃雪一日.

準備入爐前, 用豬插在腩肉表皮插孔越多越好,  在豬皮上蓋
上一層厚鹽最小要有 5MM 高, 放入已預熱 Airfryer 180 度焗
25 分鐘見鹽成份一大片可輕易出改為佳將鹽拿走, 再焗至表
皮爆開估計需時 15 分鐘.

麵包 pizza@ 免油氣炸鍋

想食個簡單 pizza 可以很簡單，家裡有麵包就可以了。 做
法跟一般 pizza 一樣，將材料組合就可以了。

材料 :
麵包一片
茄汁
小許油

餡料 : 煙肉半條去肥肉切碎, 火腿半片切絲

芝士碎 : mozzarella cheese, Cheddar Cheese

麵包表面搽上小許油, 再加茄汁放上餡料, 最上層放上芝士
碎, 放入已預熱 Airfryer 200 度 3 分鐘即成.

炸雞翼@ 免油氣炸鍋

前幾日唔舒服休息了幾天再繼續玩 Airfryer 今日準備了做
炸雞翼，昨晚已醃好雞翼醃料來來去去還是廚房裡的基本
材料, 簡單不過再加入唔同香料/香草已經有多種不同的變
化.

材料 :

雞翼 7-8 隻

醃料 : 豉油、糖、生粉

香料 : 小茴香

麵粉適量

雞翼洗淨隔去水份, 加入醃料醃過夜.

準備入爐前先預熱 Airfyrer 180 度.

將雞翼隔去多餘的醃料後加入適量的小茴香及加小許油
拌勻, 最後將雞翼表面粘上麵粉入爐 180 度 15 分鐘, 焗到
10 分鐘時反轉雞翼即可.  (其實唔反也可以但是手多走去
反一反佢)

焗包@ 免油氣炸鍋

玩都無嘢好玩攞左兩個包放入 Airfryer 試下焗睇下得唔得.

左邊係用焗爐焗出, 右邊就係用 Airfryer 黎焗, 成品出黎表

面沒有焗爐光令, 而且體積明確比起焗爐焗出黎的細了一

點. 

燒春雞@ 免油氣炸鍋

大家都在想 Airfryer 做全雞應該不太可能，不

過春雞應該沒有問題，所以買了一隻試做。

春雞解凍洗淨隔去水份再加醃料醃一晚讓其

入味。提起醃料其實來來去去都是幾款，豉

油、糖、最基本的，有時會用鹽醃，有時會

唔同的香料、香草或者一些現成的醬汁已經
好好味，想味道清一點可以加小小檸檬汁又

另一番味道。其實只要多當嘗試便可創作出
自已喜愛的味道來。

材料：

春雞一隻

醃料：豉油，糖，香草，鹽(只刷在雞肚內）

春雞一隻洗隔去水份，將醃料搽在雞身, 鹽刷
入雞肚內, 醃過夜入爐前用鍚紙包起雞亦及雞
腿部份 180 度 30 分鐘.

炸餃子@ 免油氣炸鍋

囡囡今天外出便 project, 一個人隨意在冰箱

找一找有餃子，好來個快靚正既炸餃子，非

常簡單又方便。

餃子不用解凍放入 Airfryer 在餃子表面噴油底

面都要噴，140 度 10 分鐘，成品跟炸油一樣

但是沒有那入油油的感覺，讚！

小蛋糕@ 免油氣炸鍋

做了蛋糕捲後因為材料要求的盤子比我家盤

子大，所以決定留一部份作小蛋糕，正好試

一下用 Airfryer 去做小蛋糕，機身的標籤是

160 度去做 muffin 但是根據我這幾天的經驗感
覺如果用 160 度做會焦掉，所以我試一下

用140度 10 分鐘，5分鐘過後已經差不好了

害怕會焦掉所以轉火星120度焗 2 分鐘已完成。

失敗了的 Carbonara 拌青口@ 免油氣炸鍋

再試做 Carbonara 滿心以為今次會成功, 因為事前已經睇了

多次食譜做法, 次序已經記係心中, 最失敗係芝士部份準備

唔夠多導致失敗, 下次要比心機.

今次青口試用 Airfryer 做, 效果不錯, 芝士下次可以落多一點.

材料 :

意粉適量 

醬汁 : 蛋黃一個, 淡忌廉, 芝士碎

青口適量

芝士碎

意粉放入大滾水中加油鹽烚幾分鐘 (可跟意粉包裝指示做) 

因為要回獲煮可以扣減 2 分鐘或測試意粉心入面見有小小

白點即可, 隔去水份再加意粉落鑊, 加回烚意粉水兩湯匙加

入醬汁後不斷將意粉攪拌至醬汁收乾即可.

青口洗淨加芝士上面放入 Airfryer 180 度 6-8 分鐘即可.

炸排骨@ 免油氣炸鍋

今日打開冰箱正苦惱煮什麼好，突然發現

有盒醃好的排骨，好決定 fry一fry。

通常我用的醃料都是豉油，糖，生粉非常簡

單，最後決定用什麼方法烹調後再添加一些香料或香草已經可以好好味！

材料：排骨

醃料：豉油，糖，生粉，小茴

洗淨排骨加醃料醃數小時過夜更入味

Airfryer 180 度 15 分鐘感覺 fry 耐左一點有點乾下次試下10分鐘

四季豆@ 免油氣炸鍋

今晚除了做了排骨外，還多來一個四季豆，

記得在一間店子食過乾扁四季豆，我想大慨

做是用油炸，因為食時油油的感覺是用油炸

的。本來只想炒一炒食就是想起店子有這道
菜式, 四季豆試下用 Airfryer 試下能否做到，
可能腦袋不靈光，只噴油大慨油量小，感覺
温度高了一點有點燶~~

材料：

四季豆適量

鹽適量

油小許

洗淨四季豆噴上油(加次要加多點油)

Airfryer 180 度 10 分鐘 (時間上還要減小小)

叉燒@ 免油氣炸鍋

再試多次做叉燒，今次控制得不錯，叉燒成

品出來好好味，而且有肉汁。梅頭肉一早醃好，回家 fry 一 fry 已食得。

材料：

加拿大梅頭肉三片

醃料：

豉油，糖，五香粉，麥芽糖，叉燒醬，紹酒

洗淨梅頭肉再一開二加醃料醃過夜

Airfryer 180度16-17分鐘

雞亦@ 免油氣炸鍋

今晚急急忙忙將雞亦解凍，醃一醃馬上用

Airfryer 攪掂~~~

今次整雞亦效果唔錯，仍然係一滴油都無

用，雖然係無光波爐做的咁 juicy 但係都唔

會乾晒， 囡囡話食落係兩樣唔同感覺食左

幾日又唔覺熱氣都幾好。想著想著試一試焗

蛋糕仔，過幾日試下。

材料:

雞亦 10 隻 解凍洗淨

醃料:鹽，五香粉，糖

雞亦醃好後，雞亦面向下放入 Airfryer 180 度 15 分鐘，最後 4 分鐘反轉即可！

雞扒@Airfryer

休息了兩日沒有用 Airfryer 作菜，今日又試下

fryer 下雞扒先，睇下可唔可保留肉汁。 如果

用光波爐整，一定有肉汁同埋表面會脆卜卜。

原來 airfryer 都做得好好，有肉汁表皮又脆脆，時間上比光波還要快抵讚。正好配合長

期趕時間既我。

材材：

雞扒 (急凍貨預先解凍)

醃料：豉油，糖，生粉

雞扒洗淨加醃料醃過夜，放入 airfryer 前加雜

香草， 180 度 9 分鐘即可。

雞軟骨@Airfryer

今次試下做雞軟骨,  焗完出黎賣相都唔錯, 一滴油都無用到

效果都好好, 同炸的差不多又不會好乾, 我同囡囡已經掃光

光. 

材料 :

雞軟骨 半包 (係凍肉舖有一包包賣)

椒鹽 適量

醃料 : 豉油, 糖, 生粉

雞軟骨解凍洗淨, 隔去水份加入醃料醃數小時

180 度焗 8 分鐘出爐時色水差小小再加時 2 分鐘

出爐灑上椒鹽即成

豬仔骨@Airfryer

上次係街市買左豬仔骨，諗住有新爐時就可

以整，估唔到而家已經可以整。簡單d落醬汁

醃下，屋企有檸檬落小小檸檬汁落去醃，感

覺好 fresh。

今次焗左 14 分鐘感覺同光波比較好似無咁
juicy 可能焗耐左小小, 下次試下 10 分鐘得唔
得.

材料 ：

豬仔骨一段 切開一條條

醃料：鼓油、糖、生粉、HP汁、檸檬汁小許

將洗淨豬仔骨切開一條條，再加醃料醃數小

時過夜更入味。如喜歡重口味可加蒜蓉或乾

蔥頭同醃。

跟焗面貼紙指示 180 度 14 分鐘

自家叉燒+一口牛@Airfryer

今日一早準備醃好了叉燒諗住試一試效果跟光波爐有咩分

別, 又見過短片可以一齊 fry 不過我都有點失策, 中間唔記得

將一牛口反一反, 因為一口牛份量都幾多有部份係疊埋一齊

同埋應該早一點將一口牛出爐, 因為牛比較易熟. 

幸好叉燒做得不錯, 感覺仍然是時間長了一點, 下次要縮短

時間.

新鮮炸薯條@Airfryer

fry 完啦~~~ 

我唔係落左好多油, fry 完仲有多餘既油出黎 

今日試下整新鮮炸薯條，跟足食譜做法薯仔

切條泡水 30 分鐘， 隔水及吸去水份，再加

油沒有跟足指示隔手加油撈勻， 180 度火

fry 左約 15 分鐘後攞出 shake 下佢再焗多幾

分鐘就得， 完成後加幼鹽即可

真係估佢唔到 fry 完仲有油出黎，食味 ok 一

出爐唔使幾分鐘就無晒~~~

多春魚@Airfryer

前兩個星期在大昌見到有加拿大多春魚賣，
見色澤唔錯忍不了手買一包回家，當時仍未

決定買光波爐還是 airfryer, 好多時大昌賣的

貨賣完了，不知會不會再有貨返，真係有買
親手。

今日去出了街街在外用餐，堅持要試機所以
焗四條試下~~~~ 尾部位置脆脆幾好~~

材料 : 

多春魚一包

油小許

醃料：

胡椒粉小許

岩鹽小許

酒小許

多春魚洗淨抹乾水份，加醃料醃一醃，入焗

前隔去水份再加酒拌勻。

跟附送的快速 menu 試做 200 度焗  10 分鐘

fry 1 fry 麵包頭@Airfryer

今早試下操作烘一烘多士, 往常都會用光波爐烘多士, 今次
用 airfryer 試下效果, 都唔錯 200 度  3 分鐘攪定不用反, 好方
便, 如果想燶一點我想烘 4 分鐘可以會更靚~~~

Airfryer 初體驗

多謝老公咁夜都去幫我攞個爐返黎, 等我可以準備定試機,
係雪櫃搵到有薯餅, 馬上用黎試機 fry 下佢先, 效果不錯, 說
明書話中途要攞出黎搖一搖, 我想得一塊應該唔使啦~~~

fry 出黎效果不錯幾脆口, 而且操作起黎方便一點, 不像光波
爐要反面, 不過機子操作時好像比光波爐嘈了一點. 溫度又
好像高一點.

單看藍子好似好細小, 但係我印象中睇 TV 示範食物可以一
堆放進去都無問題, 這個要再試一下才可以知道真正容量
如何~~~